Pashuo ke parmukh rog - roktham evan upchar
Parichay
Maveshee ya any pashudhan ke beemaar ho jaane par unaka ilaaj karane ke vanispat unhen tanduroost banaayerog rakhane ka intajaam karana jyaada achchha hai. kahaavat prasiddh hai “samay se pahale chete kisaan”. pashudhan ke lie saaph-suthara aur havaadaar ghar – bathaan, santulit khaan – paan tatha uchit dekh bhaal ka intajaam karane par unake rogagrast hone ka khatara kisee had tak tal jaata hai. rogon ka prakop kamajor maveshiyon par jyaada hota hai. unakee khuraak theek rakhane par unake bheetar rogon se bachaav karane kee taakat paida ho jaatee hai. bathaan kee saphaee parajeevee se phailane vaale rogon aur chhootahee beemaariyon se maveshiyon ka raksha karatee hai. satark rahakar pashudhan kee dekh – bhaal karane vaale pashupaalak beemaar pashu ko jhund se alag kar any pashuon ko beemaar hone se bacha sakate hain. isalie pashupaalakon aur kisaanon ko nimnaankit baaton par dhyaan dena chaahie-
- pashudhan ya maveshee ko pratidin theek samay par bhar pet paushtik chaar-daana diya jae. unakee khuraak mein sookha chaara ke saath hara chaara khallee – daana aur thoda- sa namak shaamil karana jarooree hai.
- saaph bartan mein taaja paanee bharakar maveshee ko aavashyakataanusaar peene ka mauka den.
- maveshee ka bathaan saaph aur oonchee jagah par banae. ghar is prakaar banaen ki usamen sooraj kee raushanee aur hava pahunchane kee pooree - pooree goonjaish rahe. ghar mein har maveshee ke lie kaaphee jagah honee chaahie.
- bathaan kee niyamit saphaee aur samay- samay par rogaanunaashak davaen jaise phinail ya doosaree dava ke ghol se usakee dhulaee aavashyak hai.
- maveshiyon ya dusare pashudhan ke khilaane kee naad oonchee jagah par gaadee jae. naad ke neeche keechad nahin banane den.
- ghar bathaan se gobar aur pashu- mootr jitana jaldee ho sake khaad ke gaddhe mein hata dene ka intajaam kiya jae.
- bathaan ko pratidin saaph kar kooda – karakat ko khaad ke gaddhe mein daal diya jae.
- maveshiyon ko pratidin tahalane – philane ka mauka diya jae.
- maveshiyon ke shareer kee saphaee par poora – poora dhyaan diya jae.
- unake saath laad – pyaar bhara vyavaahar kiya jae.
- maveshiyon mein phailanevaale adhikatar sankraamak rog (chhootahee beemaariyaan) endemik yaanee sthaanik hote hain. ye beemaariyaan ek baar jis sthaan par jis samay phailatee hai, usee sthaan par aur usee samay baar- baar faila karatee hai. isalie samay se pahale hee maveshiyon ko tika lagavaane ka intajaam karana jarooree hai. tika pashupaalan vibhaag kee or se upalabdh rahane par naam maatr ka shulk lagaaya jaata hai. khuraha – muhampaka ka tika pratyek varsh pashu svaasthy raksha pakhavaada ke antargat mupht lagaaya jaata hai.
Maveshiyon ke kaee tarah ke rog phailate hain. mote taur par inhen nimanankit teen vargon mein baanta ja sakata hai –
1. sankraamak rog ya chhootahee beemaariyaan.
2. saamaany rog ya aam beemaariyaan.
3. parajeevee jany rog.
Sankramak rog (chhootahee beemaariyaan)
Sankraamak rog sansarg ya chhooa – chhoot se ek maveshee se anek maveshee se anek maveshiyon mein fail jaate hain. kisaanon ko is baat ka anubhav hai ki ye chhootahee beemaariyaan aamataur par mahaamaaree ka roop le letee hai. sankraamak rog praay: vishaanuon dvaara phailaaye jaate hain, lekin alag – alag rog mein inake prasaar ke raaste alag – alag hote hain. udahaaranat: khuraha rog ke vishaanu beemaar pashu kee laar se girate rahate hain tatha gaut paanee mein ghus kar use dooshit bana dete hain. is gaut paanee ke jarie anek pashu isake shikaar ho jaate hain. any sankraamak rog ke jeevaanu bhee gaut paanee mrt ke chamade ya chheenk se girane vaale paanee ke dvaara ek pashu se anek pashuon ko rog grast banaate hain. isalie yadi gaanv ya pados ke gaanv mein koee sankraamak rog fail jae to maveshiyon ke bachaav ke lie nimnaakint upaay kaaragar hote hain –
- sabase pahale rog ke phailane kee soochana apane halke ke pashudhan sahaayak ya blok (prakhand) ke pashupaalan padaadhikaaree ko denee chaahie ve isakee rog- thaam ka intajaam turant karate hue bachaav ka upay batala sakate hain.
- agar pados ke gaanv mein beemaaree phailee ho to us gaanv se maveshiyon ya pashupaalakon ka aavaagaman band kar diya jae.
- saarvajanik taalaab ya aahaar mein maveshiyon ko paanee pilaana band kar diya jae.
- saarvajanik chaaraagaah mein pashuon ko bhejana turant band kar dena chaahie.
- is rog ke aakraant pashu ko any svasth pashuon se alag rakhana chaahie.
- sankraamak rog se bhare hue pashu ko jahaan – tahaan phekana khatare se khaalee nahin. khaal utaarana bhee khataranaak hota hai. mrt pashu ko jala dena chaahie ya 5-6 phut gaddha khod kar choona ke saath gaad (vidhipoorvak) dena chaahie.
- jis sthaan par beemaar pashu rakha gaya ho ya mara ho us sthaan ko phinail kee ghol se achchhee tarah dho dena chaahie ya saaph- suthara ka vahaan choona chhidak dena chaahie, taaki rog ke jeevaanu ya vishaanu mar jaen.
- khaal kee khareed – bikree karane vaale log bhee is rog ko ek gaanv se dusare gaanv tak le ja sakate hain. aise samay mein isakee khareed – bikree band rakhanee chaahie.
Galaghotoo
Yah beemaaree gaay – bhains ko jyaada pareshaanee karatee hai. bhed tatha suaron ko bhee yah beemaaree lag jaatee hai. isaka prakop jyaadaatar barasaat mein hota hai.
Lakshan – shareer ka taapamaan badh jaata hai aur pashu sust ho jaata hai. rogee pashu ka gala sooj jaata hai jisase khaana nigalane mein kathinaee hotee hai. isalie pashu khaana – peena chhod deta hai. soojan garm rahatee hai tatha usamen dard hota hai. pashu ko saans lene mein takaleeph hotee hai, kisee - kisee pashu ko kabjiyat aur usake baad patala dast bhee hone lagata hai. beemaar pashu 6 se 24 ghante ke bheetar mar jaata hai. pashu ke munh se laar giratee hai.
Chikitsa – sankraamak rog se bachaav aur unakee rog – thaam ke sabhee tareeke apanaana aavashyak hai. rogee pashu kee turant ilaaj kee jae. barasaat ke pahale hee nirodhak ka tika lagava kar maveshee ko surakshit kar lena laabhadaayak hai. isake mupht teekaakaran kee vyavastha vibhaag dvaara kee gaee.
Jaharavaad (black kvaartar)
Yah rog bhee jyaadaatar barasaat mein phailata hai. isakee visheshata yah hai ki yah khaas kar chh: maheene se 18 maheene ke svasth bachhadon ko hee apana shikaar banaata hai. isako soojava ke naam se bhee pukaara jaata hai.
Lakshan – is rog se aakraant pashu ka pichhala puttha sooj jaata hai. pashu langadaane lagata hai. kisee kisee pashu ka agala pair bhee sooj jaata hai. soojan dheere – dheere shareer ke doosare bhaag mein bhee fail sakatee hai. soojan mein kaaphee peeda hotee hai tatha use dabaane par koodakoodaahat kee aavaaj hotee hai. shareer ka taapamaan 104 se 106 digree rahata hai. baad mein soojan sad jaatee hai. tatha us sthaan par sada hua ghaav ho jaata hai.
Chikitsa – sankraamak rog se bachaav aur rok – thaam ke tareeke, jo is pustika mein anyatr batalae gae hai, apanae jaen. pashu chikitsa ke paraarmash se rog grast pashuon kee ilaaj kee jae. barasaat ke pahale sabhee svasth pashuon ko is rog ka nirodhak tika lagava dena chaahie.
Pleeha ya pilabadhava (enthreks)
Yah bhee ek bhayaanak sankraamak rog hai. is rog se aakraant pashu kee sheeghr hee mrtyu ho jaatee hai. is rog ke shikaar maveshee ke alaave bhed, bakaree aur ghode bhee hote hain.
Lakshan – tej bukhaar 106 digree se 107 digree tak. mrtyu ke baad naak, peshaab aur paikhaana ke raaste khoon bahane lagata hai. aakraant pashu shareer ke vibhinn angon par soojan aa jaatee hai. pleeha kaaphee badh jaatee hai tatha pet phool jaata hai.
Chikitsa – sankraamak rogon kee rok – thaam unase bachaav ke tareeke apanae tatha pashu – chikitsa kee sevaen praapt karen. yah rog bhee sthaanik hota hai. iseelie samay rahate pashuon ko tika lagava dene par pashu ke beemaar hone ka khatara nahin rahata hai.
Khuraha – Muhampaka (Foot and mouth disease)
Yah rog bahut hee larachhoot hai aur isaka sankraaman bahut tejee se hota hai. yadyapi isase aakraant pashu ke marane kee sambhaavana bahut hee kam rahatee hai tathaapi is rog se pashu paalakon ko ko kaaphee nukasaan hota hai kyonki pashu kamajor ho jaata hai tatha usakee kaaryakshamata aur utpaadan kaaphee dinon tak ke lie kam ho jaata hai. yah beemaaree gaay, bail aur bhains ke alaava bhedon ko bhee apana shikaar banaatee hai.
Lakshan – bukhaar ho jaana, bhojan se aruchee, paidaavaar kam jaana, muhan aur khur mein pahale chhote – chhote daane nikalana aur baad mein paak kar ghaav ho jaana aadi is rog ke lakshan hain.
Chikitsa – sankraamak rog kee rok-thaam ke lie batalae gae sabhee upaayon par aml karen. muhan ke chhaalon ko phitakaree ke 2 pratishat ghol sa saaph kiya ja sakata hai. pair ke ghaav ko phinail ke ghol se dho dena chaahie. pair mein tulasee athava neem ke patte ka lep bhee phaayademand saabit hua hai. gaanv mein khuraha – chapaka phootapaath banaakar usamen se hokar aakraant pashuon ko gujarane ka mauka dena chaahie. ghaavon ko makkhee se bachaana anivaary hai.
Bachaav – pashu ko saal mein do baar chh: maah ke andar par rog nirodhak tika lagavaana chaahie.
Pashu – Yakshma (T.B.)
Manushy ke svasthy ke raksha ke lie bhee is rog se kaaphee satark rahane kee jaroorat hai kyonki yah rog pashuon ka sansarg mein rahane vaale ya doodh istemaal karane vaale manushy ko bhee apane chapet mein le sakata hai.
Lakshan - pashu kamajor aur sust ho jaata hai. kabhee – kabhee naak se khoon nikalata hai, sookhee khaansee bhee ho sakatee hai. khaane ke ruchi kam ho jaatee hai tatha usake phephadon mein soojan ho jaatee hai.
Chikitsa – sankraamak rogon se bachaav ka prabandh karana chaahie. sandeh hone par pashu jaanch karaane ke baad
Ekadam alag rakhane ka intajaam karen. beemaaree maveshee ko yathaasheeghr go – sadan mein bhej dena hee uchit hai, kyonkee yah ek asaadhy rog hai.
Thanail
Dudhaaroo maveshiyon ko yah rog do kaaranon se hota hai. pahala kaaran hai than par chot lagana ya tha ka kaat jaana aur doosara kaaran hai sankraamak jeevaanuon ka than mein pravesh kar jaata. pashu ko gande daladalee sthaan par baandhane tatha doohane vaale kee asaavadhaanee ke kaaran than mein jeevaanu pravesh kr jaate hain. aniyamit roop se doodh doohana bhee thanail rog ko nimantran dena hai saadhaaranat: adhik doodh dene vaalee gaay – bhains isaka shikaar banatee hai.
Lakshan – than garm aur laal ho jaana, usamen soojan hona, shareer ka taapamaan badh jaana, bhookh na lagana, doodh ka utpaadan kam ho jaana, doodh ka rang badal jaana tatha doodh mein jamaavat ho jaana is rog ke khaas lakshan hain.
Chikitsa – pashu ko halka aur supaachy aahaar dena chaahie. sooje sthaan ko senkana chaahie. pashoochikitsak kee raay se enteevaayotik dava ya malaham ka istemaal karana chaahie. thanail se aakraant maveshee ko sabase ant mein duhana chaahie.
Sankraamak Garbhapaat
Yah beemaaree gaay – bhains ko hee aam taur par hotee hai. kabhee - kabhaar bhend bakaree bhee isase aakraant ho jaate hain.
Lakshan– pahale pashu ko bechainee jaatee hai aur bachcha paida hone ke sabhee lakshan dikhaee dene lagate hain. yonimukh se taral padaarth bahane lagata hai. aamataur par paanchave, chhathe maheene ye lakshan dikhaee dene lagate hain aur garbhapaat ho jaata hai. praay: jair andar hee rah jaata hai.
Chikitsa – saphaee ka poora intajaam karen. beemaar pashuon ko alag kar dena chaahie. garbhapaat ke baad pichhala bhaag gunagune paanee se dhokar ponchh dena chaahie. garbhapaat ke bhroon ko jala dena chaahie. jise sthaan par garbhapaat ho, use rogaanunaashak dava ke ghol se dhona chaahie. pashuchikitsak ko bulaakar unakee sevaen haasil karanee chaahie.not – 6 se 8 maheene ke pashu ko is rog (broosolesis) ka tika lagava dene se is rog ka khatara kam rahata hai.
Saamaany rog ya aam beemaariyaan
A. Aphara
Hara aur raseela chaara, bheenga chaara ya dalahanee chaara adhik maatra mein kha lene ke kaaran pashu ko aphara kee beemaaree ho jaatee hai. khaasakar, rasadaar chaara jaldee – jaldee khaakar adhik maatra mein peene se yah beemaaree paida hotee hai. baachha – baachhee ko jyaada doodh pee lene ke kaaran bhee yah beemaaree ho sakatee hai. paachan shakti kamajor ho jaane par maveshee ko is beemaaree se grasit hone kee aashanka adhik hotee hai.
lakshan
- ekaek pet phool jaata hai. jyaadaatar rogee pashu ka baayaan pet pahale phoolata hai. pet ko thapathapaane par dhol kee tarah (dhap – dhap) kee aavaaj nikalatee hai.
- pashu karaahane lagata hai. phoole pet ke or baraabar dekhata hai.
- pashu ko saans lene mein takaleeph hotee hai.
- rog badh jaane par pashu chaara – daana chhod deta hai.
- bechainee badh jaatee hai.
- jhuk kar khada hota hai aur agal – bagal jhaankata rahata hai.
- rog ke atyadhik teevr avastha mein pashu baar-baar letata aur khada hota hai.
- pashu kabhee – kabhee jeebh baahar latakaakar haamphata hua najar aata hai.
- peechhe ke pairon ko baar patakata hai.
Not: turant ilaaj nahin karane par rogee pashu mar bhee sakata hai.
chikitsa
- pashu ke baen pet par dabaav daalakar maalish karanee chaahie.
- us par thanda paanee daalen aur taarapeen ka tel pakaakar lagaen.
- muhan ko khula rakhane ka intajaam karen. isake lie jeebhee ko munh se baahar nikaalakar jabadon ke beej koee saaph aur chikanee lakadee rakhee ja sakatee hai.
- rog kee praarambhik avastha mein pashu ko idhar – udhar ghumaane se bhee phaayada hota hai.
- pashu ko pashuchikitsak se paraamarsh lekar taarapeen ka tel aadha se ek chhataak, chh: chhataak teesee ke tel mein milaakar pilaaya ja sakata hai. usake baad do sooar graam maigasalf aur do sau graam namak ek bade botal paanee mein milaakar julaab dena chaahie.
- pashu ko lakadee ke koyale ko choora, aam ka puraana aachaar, kaala namak, adarakh, hing aur sarason jaisee cheej pashuchikitsak ke paraamarsh se khilaayee ja sakatee hai.
- pashu ko svasth hone par thoda – thoda paanee diya ja sakata hai, lekin kisee prakaar ka chaara nahin khilaaya jae.
- pashu chikitsak kee sevaen turant praapt karanee chaahie.
B. Dugdh - Javar
dudhaaroo gaay bhains ya bakaree is rog ke chapet mein padatee hai. jyaada dudhaaroo pashu ko hee yah beemaaree apana shikaar banaatee hai. bachcha dene ke 24 ghante ke adanr dugdh – jvar ke lakshan saadhaaranataya dikhete hain.
lakshan
- pashu bechain ho jaata hai.
- pashu kaampane aur ladakhadaane lagata hai. maansapesiyon mein kampan hota hai, jisake kaaran pashu khada rahane mein asamarth rahata hai.
- palake jhookee – jhookee aur aankhe nistej see dikhaee detee hai.
- munh sookh hota hai.
- taapamaan saamaany rahata hai ya usase kam ho jaata hai.
- pashu seene ke sahaare jameen par baithata hai aur gardan shareer ko ek or mod leta hai.
- jyaadaatar peedit pashu isee avastha mein dekhe jaate hain.
- teevr avastha mein pashu behosh ho jaata hai aur gir jaata hai. chikitsa nahin karane par koee- koee pashu 24 ghante ke andar mar bhee jaata hai.
Chikitsa
- than ko geele kapade se ponchh kar usamen saaph kapada is prakaar baandh den ki usamen mittee na lage.
- than mein hava bharane se laabh hota hai.
- theek hone ke baad 2-3 dinon tak than ko pooree tarah khaalee nahin karen.
- pashu ko jaldee aur aasaanee se pachane vaalee khuraak den.
- pashu chikitsak ka paraamarsh lena nahin bhoolen.
C. Dast aur marod
Is rog ke do kaaran hain – achaanak thanda lag jaana aur pet mein kitaanuon ka hona. isamen aant mein sujan ho jaatee hai.
lakshan
- pashu ko patala aur paanee jaise dast hota hai.
- pet mein marod hota hai.
- aanv ke saath khoon girata hai.
Chikitsa
- aasaanee se pachane vaala aahaar jaise maad, ubala hua doodh, bel ka guda aadi khilaana chaahie.
- chaara paanee kam dena chaahie.
- baachha – baachhee ko kam doodh peene dena chaahie.
- pashu chikitsa kee sevaen praapt karanee chaahie.
D. Jer ka andar rah jaana
pashu ke vyaane ke baad chaar – paanch ghanton ke andar hee jer ka baahar nikal jaana bahut jarooree hai. kabhee - kabhaar jer andar hee rah jaata hai jisaka kuparinaam maveshee ko bhugatana padata hai. khaas kar garmee mein agar jer chh: ghanta tak nahin nikale to isaka nateeja kaaphee bura ho sakata hai. isase maveshee ke baanjh ho jaane aanshaka bhee banee rahatee hai. jer rah jaane ke kaaran garbhaashay mein soojan aa jaatee hai aur khoon bhee vikrt ho jaata hai.
lakshan
- beemaar gaay ya bhains bechain ho jaatee hai.
- jhillee ka ek hissa yonimukh se baahar nikal jaata hai.
- badaboodaar paanee nikalane lagata hai, jisaka rang chaakaletee hota hai.
- doodh bhee phat jaata hai.
Chikitsa
- pichhale bhaag ko garm paanee se dhona chaahie. dhote samay is baat ka khyaal rakhen ki jer mein haath na lage.
- jer ko nikaalane ke lie kisee prakaar ka jor nahin laagaaya jae.
- pashu chikitsak se paraamarsh karana chaahie.
E. Yoni ka pradaah
yah rog gaay – bhains ke vyaane ke kuchh din baad hota hai. isase bhee dudhaaroo maveshiyon ko kaaphee nukasaan pahoonchata hai. praay: jer ka kuchh hissa andar rah jaane ke karan yah rog hota hai.
lakshan
- maveshee ka taapamaan thoda badh jaata hai.
- yoni maarg se durgandhayukt pib kee tarah padaarth girata rahata hai. baithe rahane kee avastha mein taral padaarth girata hai.
- bechainee bahut badh jaatee hai.
- doodh ghat jaata hai ya theek se shuroo hee nahin ho paata hai.
Chikitsa
- goonagoone paanee mein thoda sa detol ya potaash milakar rabar kee nalee kee sahaayata se denee garbhaashay kee dhulaee kar denee chaahie.
- pashu chikitsak kee sahaayata lenee chaahie.
- not: isase pashu ko bachaane ke lie saavadhaanee baratanee jarooree hai, anyatha pashu ke baanjh hone kee aashanka rahegee.
Paanee mein lagaataar bheengate rahane ya sardee ke mausam mein khule sthaan mein baandhe jaane vaale maveshee ko nimoniya rog ho jaata hai. adhik baal vaale pashuon ko yadi dhone ke baad theek se pochha na jae to unhen bhee yah rog ho sakata hai.
lakshan
- shareer ka taapamaan badh jaata hai.
- saans lene mein kathinaee hotee hai.
- naak se paanee bahata hai.
- bhookh kam ho jaatee hai.
- paidaavaar ghat jaatee
- pashu kamajor ho jaata hai.
Chikitsa
- beemaar maveshee ko saaph tatha garm sthaan par rakhana chaahie.
- ubalate paanee mein taarapeen ka tel daalakar usase uthane vaala bhaap pashuon ko soonghaane se phaayada hota hai.
- pashu ke paanjar mein sarason tel mein kapoor milakar maalish karanee chaahie.
- pashu chikitsa ke paraamarsh se ilaaj kee vyavastha karana aavashyak hai.
G. Ghaav
pashuon ko ghaav ho jaana aam baat hai. charane ke lie baada tapane ke silasile mein taar, kaanton ya jhadee se kaatakar athava kisee dusare prakaar kee chot lag jaane se maveshee ko ghaav ho jaata hai. haal ka phaal lag jaane se bhee bail ko ghaav ho jaata hai aur kisaanon kee khetee – baaree chaupat ho jaatee hai. bail ke kandhon par paalon kee ragad se bhee soojan aur ghaav ho jaata hai. aise saamaany ghaav aur soojan ko nimnaankit tareeke se ilaaj karana chaahie.
chikitsa
- sahane laayak garm paanee mein laal potaash ya phinail milaakar ghaav kee dhulaee karanee chaahie.
- agar ghaav mein keede ho to taarapeen ke tel mein bhingoee huee pattee baandh denee chaahie.
- munh ke ghaav ko, phitakaree ke paanee se dhokar chhoa aur borik esid ka ghol lagaane se phaayada hota hai.
- shareer ke ghaav par naariyal ke tel mein ¼ bhaag taarapeen ka tel aur thoda see kapoor milaakar lagaana chaahie.
Parajeevee jany rog
Baahy evan aantarik parajeeviyon ke kaaran bhee maveshiyon ko kaee prakaar kee beemaariyon pareshaanee karatee hai. inake baare mein pooree jaanakaaree haasil karane ke lie pashupaalan soochana evan prasaar seva, oph polo rod, patana – 1 se ni: shulk chhapee huee pustikaen mangaakar padhen.
Bachhadon ka rog
nimnaankit rog khaas kar kam umr ke bachhadon ko pareshaan karate hain.
A. Naabhi rog
lakshan
- naabhi ke aas – paas soojan ho jaatee hai, jisako chhoone par rogee bachhade ko dard hota hai.
- baad mein sooja hua sthaan mulaayam ho jaata hai tatha us sthaan ko dabaane se khoon mila hua peev nikalata hai.
- bachhada sust ho jaata hai.
- halka bukhaar rahata hai.
chikitsa
- sooje hue bhaag ko din mein do baar garm paanee se senkana chaahie.
- ghaav ka muhan khul jaane par use achchhee tarah saaph kar usamen enteebaayotik paudar bhar dena chaahie. is upachaar ko jab tak ghaav bhar na jae tab tak chaaloo rakhana chaahie.
- pashu chikitsa kee salaah lenee chaahie.
B. Kabjiyat
Bachhadon ke paida hone ke baad agar mal nahin nikale to kabjiyat ho sakatee hai.
chikitsa
- 50 graam paaraaphin likvid (taral) 200 graam garm doodh mein milaakar dena chaahie.
- saabun ke ghol ka enima dena bhee laabhadaayak hai.
C. Safed dast
yah rog bachhadon ko janm se teen saptaah ke andar tak ho sakata hai. yah chhote- chhote kitaanu ke kaaran hota hai. gande bathaan mein rahane vaale bachhade ya kamajor bachhade is rog ka shikaar banate hain.
lakshan
- bachhadon ka pichhala bhaag dast se lath - path rahata hai.
- bachhada sust ho jaata hai.
- khaana – peena chhod deta hai.
- shareer ka taapamaan kam ho jaata hai.
- aankhe adanr kee or dhans jaatee hai.
chikitsa
- nikat ke pashu chikitsa ke paraamarsh se ilaaj karaanee chaahie.
yah rog kauksidosis naamak ek vishesh prakaar kee kitaanu ko shareer ke bheetar pravesh kar jaane ke kaaran hota hai.
lakshan
- rog kee saadhaaran avastha mein dast ke saath thoda – dhoda khoon aata hai.
- rog kee teevr avastha mein bachhada khaana peena chhod deta hai.
- kuthan ke saath paikhaana hota hai jisamen khoon ka katara aata hai.
- bachhadon kamajor hokar kisee doosaree beemaaree ka shikaar bhee ban sakata hai.
chikitsa
- jitana jald ho sake pashu chikitsak ko bulaakar ilaaj shuroo kar dena chaahie.
E. Rataundhee
Yah rog saadhaaranat: bachhadon ko hee hota hai. sandhya hone ke baad se sooraj nikalane ke pahale tak rog grast bachhada kareeb – kareeb adnha bana rahata hai. phalat: usane apana chaara kha sakane mein bhee kathinaee hotee hai. dusare bachhadon ya pashu se takaraav bhee ho jaata hai.
chikitsa
- inhen kuchh din tak 20 sen 30 boond tak kod livar oil doodh ke saath khilaaya ja sakata hai.
- pashu chikitsak se paraamarsh liya jaana jarooree hai.
Is post me humne pashuo me hone wale rogo ke bare me jankari prapt ki. Isi parkar ki anay post ke liye visit karte rahiye.